اريد ان احدثكم علي يومي في قاهرة المعز التي دوما اشتاق اليها
بالنسبه المغتربات الذين درسوا الكليه في القاهره ثم رجعوا تاني بيتهم بيعشقوا القاهره
انا بقالي 3 شهور منزلتش القاهره و كنت هتجنن
فانا احيا من جديد لما بنزل القاهره ...نعم بحيا
بحس اني بتنفس
عارفه ان في ناس هتقول عليا اني مجنونه , او علي رأي ابويا
بتتنفسي في الزحمه و الحر ...اه و اللي عنده اعتراض بقا
لفيت اماكن كتيـــــــــــــــــــــــــــــــــــر كانت واحشاني
و مع اني مفطرتش في ملك الكبده ولا اتغدييت في الحسين زي ما كنت مرتبه
بس مش مهم ,المره الجايه
الغريب المره دي اني كنت ارانا سويا في كل مكان اذهب اليه
الغريب اني كنت ابحث عنك في كل مكان اذهب اليه
و مع اني كنت اعلم انك لن تكن موجود ولكني كنت اشعر بخيبة الامل عندما اذهب و لم اجدك
لدرجة اني و قفت في الشارع انظر ورائى لأبحث عنك
و كل ما كنت اريد ان اعرفه هو حالك من بعدي ولكن اسأل من
كم كنت اتمني ان اراك ...كم كنت اتمني ان تراني
لا اعرف ما الذي كان سوف يحدث عندها
ولكن ..ليس كل ما يتمناه المرء يأخذه
هناك 5 تعليقات:
انا كنت بافضل بالترم مغترب
يمكن الدراسة مع الغربة صعبة بس ممتعة وبتعلمك اكتر
صحيح بتشتاقي لبلدك لكن لما بترجعي فرحتك بتبقى فرحتين
البوست جميل فيه احساس جميل واشتياق حار
تحياتي لكي
وستبقى الذكريات ورائحة الحنين في صدرك لكل مكان ولكل ذكرى وستبحثين عنه بين وجوه الناس وترهفين سمعك لصوته بين الضجيج "
؛؛
؛
زهرة الضحا
كنتِ هنا شفافة صادقة
راق لي حرفك الجميل
؛؛
؛
لروحك عبق الغاردينيا
كانت هنا
reemaas
مصطفى سيف
عندك حق , الغربه دي بتعلم اكتر ما بنتعلم في الدراسه ومع ان الواحد بيتخبط كتيير في اللي حواليه بس بيستفاد اكتر ولما كنا بنرجع بيتنا كنا بنحس بالراحه .......كانت ايام جميله
تحياتي ليك لانك بتشجعني علي الكتابه لما بلاقي تعليق ليك
ريــــمــــاس
انا اللي راق لي كلامك الجميــــــــل علي اسلوبي
و مبسوطه انه نال اعجابك و اتمني اني اشوفك في المدونه تاني
بس ايه هو عبق الغاردينيا؟؟ :)
غريبه فعلا ان حد اصلا مش متعود على جو القاهره كده يحبها بزحمتها دى
بحس اصلا ان الغربه عموما مش سهله حتى لو فى مكان قريب من محافظه لمحافظه مثلا
مبسوطه جدا انى عرفت مدونتك :))
اللي يعيش في القاهره فتره بيحب زحمتها و جوها
شكرا علي مرورك لمدونتي و اتمني انك تزوريني دوما
إرسال تعليق